午後總是飯氣攻心（Food Coma）？很科學的解釋，是由美國 Cornell University（康奈爾大學）營養及心理學教授David Levitsky提出的，他說當食物進入胃部，身體會「通知」大腦和肌肉將血液轉移到腸胃消化食物，令腦內的血液與氧氣相對較少，因而昏昏欲睡。
然而食物的份量與種類亦是引起飯氣攻心的原因。記住以下5個要點，讓你時刻保持最佳狀態，輕鬆高效完成任務！
三餐均衡營養與卡路里
午飯後之所以會有強烈睡意，咪就係因為你食得太飽囉。為咗消化你食咗嘅大餐，體內的血液都留晒去個腸胃，尤其係澱粉質愛好者，碳水化合物會被分解成糖粉，如果你需要體力勞動嘅話，呢啲糖粉轉化嘅能量就大派用場喇，但如果你只係會坐喺office趕起聽日presentation個powerpoint嘅話，過剩嘅糖粉就會令你血糖飆升，結果就是昏昏欲睡。記住呀，食晏咋，咪當自己食緊最後的晚餐咁瘋狂食啦。
空肚吃早餐 好處多
有人話一早起身無胃口所以唔食早餐，又有人以為唔食早餐可以減肥，當然有人因為趕時間skip咗個早餐啦，無論係咩原因都好啦，總之就係因為你無食早餐，午飯時間未到就已經餓到抓狂，結果咪重覆第一點嘅錯誤囉！
如果係因為趕時間嘅，可以喺前一晚預先準備；如果係一早起身無胃口嘅，可以唔使食全餐，食個生果或者飲杯暖牛奶，總之放啲嘢落肚，等身體開始運作，為一日嘅工作做準備；至於仲以為唔食早餐可以減肥嘅，唔該自己google吓啦，我唔喺呢度多講喇。除咗飯氣攻心之外，準備迎接大肚腩同埋大pat pat啦。
趕走睡魔絕招
如果你仲未完成powerpoint，但又好不幸地進入咗food coma狀態，而時間又一分一秒咁過去，OT兩個字仿佛喺你耳邊不斷迴盪。唔使慌，趁仲有力氣，即刻啪返罐Red Bull，趕走睡魔，因為Red Bull Gives you Wings！
食飽飯散散步
其實食飽飯後輕快咁步行15-20分鐘，已經可以幫肋消化同埋控制血糖。試吓揀一間遠少少嘅餐廳食晏，食完散步返公司就啱啱好喇，最啱得一個鐘頭食時間嘅OL。記住食飽飯唔好做太劇烈嘅運動呀。
每日8杯水
雖然呢句口號式嘅建議好老土，但確實係有效。尤其係早餐後容易餓嘅人，飲多啲水可以令身體有飽肚感，而喺午餐前30分鐘飲多啲水，仲可以避免因為肚餓而亂點嘢食，眼闊肚窄問題出現。另外，飲多啲水仲可以將過剩嘅糖粉排出體外，幫你抵抗睡魔。
Comments